សមត្ថកិច្ចខណ្ឌសែនសុខ​ បង្រ្កាបមុខសញ្ញាជួញដូរ​ ថ្នាំញៀនជាង​ ៣គីឡូក្រាម​

(ភ្នំពេញ)៖ ដោយអនុវត្តតាមបញ្ជារបស់នាយឧត្តមសេនីយ៍ ម៉ក់ ជីតូ អគ្គស្នការរងនគរបាលជាតិ និងលោក ឡឹក វណ្ណៈ នាយកមន្ទីរប្រឆាំងគ្រឿងញៀន កម្លាំងជំនាញ (ក៥) នៃមន្ទីរប្រឆាំងគ្រឿង ញៀន សហកាជាមួយកម្លាំងអាជ្ញាធរមូលដ្ឋាន ក្រោមការសម្របសម្រួសពីសំណាក់លោក សេង គីមឡាក់ ព្រះរាជអាជ្ញារង បានស្រាវជ្រាវ ហើយឈានទៅដល់ការបង្ក្រាបមេជួញដូរគ្រឿងញៀន ដ៏សកម្មម្នាក់ រួមជាមួយគ្រឿងញៀនជាង ៣គីឡូក្រាម និងវត្ថុតាងមួយចំនួន​ កាលពីថ្ងៃទី១៧ ខែឧសភា ឆ្នាំ២០១៩ នៅចំណុចតាមផ្លូវលំ ស្ថិតក្នុងភូមិច្រេះ សង្កាត់ ភ្នំពេញថ្មី ខណ្ឌសែនសុខ រាជធានីភ្នំពេញ។

ក្នុងប្រតិបត្តិការនេះកម្លាំងជំនាញ ឃាត់ខ្លួនជនសង្ស័យម្នាក់ឈ្មោះ ចើយ មុន្នី ព្រមទាំងរឹបអូសបានវត្ថុតាងសារធាតុញៀនមេតំហ្វេតាមីន (ICE) ចំនួន 3009.76g, ម៉ូតូ ១គ្រឿង និងទូរស័ព្ទដៃ ១គ្រឿងផងដែរ៕