ទិន្នផលបង្កងក្នុងខេត្តតាកែវមានការកើនឡើងជាង១០ភាគរយនៅក្នុងឆ្នាំ២០១៦នេះ

         តាកែវ ៖ ទិន្នផលបង្កងដែលរកបានតា មការនេសាទជាលក្ខណៈគ្រូសារ របស់បងប្អូន​ប្រជានេសាទក្នុងស្រុកអង្គបូរីនិងស្រុកបូរីជលសារ ក្នុងរយៈពេលរដួវទឹក​ឡើង​ក្នុង​ឆ្នាំ​២​០​១​៦​​​នេះ​​ រកបានបង្កងធម្មជាតិចំនួន៧៣តោន ពោលគឺមានការកើន​ឡើង​ប្រមាណ​១៤​ភាគ​រ​យ​បើ​ប្រៀប​ធៀបនិងឆ្នាំ២០១៥កន្លងមក។

        លោក សៅ កុសល នាយខ័ណ្ឌរដ្ឋបាលខេត្តតាកែវ​បាន​ថ្លែង​ឲ្យដឹងនៅថ្ងៃទី ១០ មករា ២០១៧​ តាមទូរស័ព្ទថា នៅក្នុងឆ្នាំ២០១៦នេះ​ទិន្ន​ផ​ល​បង្ក​ង​រួ​ម​ទាំ​ង​ត្រី​ដែលប​ង​ប្អូ​ន​ប្រជា​នេសាទ​យើងបានរកតាមលក្ខណៈគ្រូសារ ពិតជាមានការកើនឡើងពិតប្រាកដមែន ។ មូល​ហេតុ​នៃទិន្នផលបង្កងរួមនិងត្រីមានការកើនឡើង ​គឺ​ប​ណ្ដា​ល​ម​ក​ពី​ទឹក​នៅ​ក្នុ​ងឆ្នាំ​នេះ​មា​ន​កម្ពស់ខ្ពស់ជាងឆ្នាំមុន។ នៅឆ្នាំ២០១៥កន្លងទិន្នផលបង្កងមានចំនួនតែ៦១ តោនប៉ុណ្ណោះ រីឯ​ទិន្នផលត្រីមានចំនួន២ពាន់១រយតោន ដោយឡែកនៅក្នុងឆ្នាំ២០១៦នេះ​យើងរកបង្កង​បាន​ចំនួន៧៣តោន និងត្រីបានជិត៣ពាន់តោន។ 

         លោកនាយខ័ណ្ឌរដ្ឋបាលជលផលខេត្តតាកែវបានមានប្រសាសន៏បន្តថា ការរ​ក​បាន​ត្រី​និងបង្កងដ៏ច្រើននេះវាពិតជាបានជួយលើកស្ទួយជីវភាពបងប្អូន ប្រជាក​សិក​រ​​យើង​អោយ​មាន​កម្រឹត​ជីវភាពកាន់តែល្អប្រសើរឡើង ព្រោះតម្លៃបង្កងលេខ១​មានតម្លៃខ្ពស់​រហូត​ដល់​៤០​ដុល្លា​ក្នុងមួយគីឡូ។ ម្យ៉ាងទៀតបង្កងខេត្តតាកែវពិ​ត​ជា​មា​ន​ភា​ព​ល្បីល្បា​ញ​ថា​មាន​រស​ជាតិ​ឆ្ងាញ់​ហើយ​ភ្ញៀវទេសចរណ៏ដែលមកកម្សាន្តនៅក្នុងខេត្តតាកែវតែងតែចង់ភ្លក់រសជាតិបង្កង។

       លោក សៅ កុសល បានសំដែងនូវក្ដីរំពឹងថា នៅឆ្នាំ២០១៧នេះប្រសិន​បើទឹក​នៅ​តែ​ធំ​ដូច​ឆ្នាំ២០១៦នោះ ទិន្នផលបង្កងនិងទិន្នផលត្រីនៅក្នុងខេត្តតាកែវ​ពិតជានិងមានការកើន​ឡើង​ថែមទៀតជាក់ជាពុំខាន។ ហើយដើម្បីអោយកំណើនបង្កងនិងត្រីមានការកើនឡើង មន្រ្តី​ជំនាញ​ជលផលនិងប្រឹងប្រែងអភរក្សព្រៃលិចទឹកសម្រាប់​​ត្រីពង​ និងរួម​សហការ​ជាមួយ​កំលាំង​សមត្ថកិច្ចដើម្បីចុះបង្រ្កាបបទល្មើសនេសាទ ​ដែលប្រើប្រាស់​ឧបករណ៏​នេសាទ​ខុស​ច្បាប់​មិនអោយមានកើតឡើងបន្តទៅទៀតនោះទេ៕