ស្ថាន នីយ៍លក់ប្រេងឥន្ទៈក្រុមហ៊ុន LHR ឃ្លាំងលើលក់ប្រេងមិនគ្រប់លីត្រជូនអតិថិជន
ក្រុងព្រះសីហនុ: ស្ថាននីយ៍លក់ប្រេងឥន្ទៈរបស់ក្រុមហ៊ុន LHR មួយកន្លែងស្ថិតក្នុងភូមិ៣សង្កាត់លេខ១ក្រុងព្រះសីហនុ (ក្បែរស្រះទឹករោងចក្រស្រាបៀអង្គរ)ដែលមានអ្នកគ្រប់គ្រងឈ្មោះ អ៊ុន កែវ ត្រូវបានមន្ត្រីជំនាញមាត្រសាស្ត្រនៃមន្ទីឧស្សាហកម្មនិង សិប្បកម្ម ខេត្តព្រះសីហនុរកឃើញថាកំពុង កិបកេងចំនួនលិត្រស្មើនឹង០១%(លក់ប្រេងមិនគ្រប់លីត្រ) បន្ទាប់ពីក្រុមការងារជំនាញបានចុះធ្វើរង្វាស់រង្វាល់ កាលពីព្រឹកថ្ងៃទី២៥កក្កដាឆ្នាំ២០១៦មក។
លោក សោម សាវ៉ាត អនុប្រធានមន្ទីឧស្សាហកម្មនិង សិប្បកម្ម ខេត្ត ទទួលបន្ទុកមាត្រសាស្ត្រ បានគូសបញ្ចាក់ថា ដោយមានចរាចរណ៏ណែនាំ ក៏ដូចជាបទបញ្ជាពីរដ្ឋមន្ត្រីក្រសួង ឧស្សាហកម្មនិង សិប្បកម្ម ខេត្ត និងលោក ប្រាក់ ប្រាកដ មន្ត្រីជំនាញថ្នាក់ខេត្តដឹកនាំដោយរូបលោកផ្ទាល់ បានចុះធ្វើរង្វាស់ រង្វាល់នៅគ្រប់ស្ថានីយ៍ប្រេង ក្នុងខេត្តព្រះសីហនុ ដោយទទួលបានលទ្ឋផលល្អ ព្រោះស្ថានីយ៍ប្រេងទាំង នោះ ពុំមានការកិបកេងប្រេង(លក់ប្រេងមិនគ្រប់លីត្រ) ទៅអោយអតិថិជននោះទេ ។
ប៉ុន្តែនៅព្រឹកថ្ងៃទី២៥កក្កដាឆ្នាំ២០១៦ លោកបានចុះធ្វើរង្វាស់រង្វាល់តាមស្ថានីយ៍ប្រេងក្រុមហ៊ុនLHRចំនួន ០២ ហើយបានរកឃើញស្ថានីយ៍ប្រេងចំនួន០១បាននឹងកំពុងលក់ប្រេងមិនគ្រប់ លីត្រទៅ អោយអតិថិជន ដោយស៊ីស្មើនឹង១%នៃចំនួនលីត្រ ឯស្ថានីយ៍ប្រេងមួយទៀតគឺត្រឹមត្រូវ។
លោក សោម សាវ៉ាតបន្តថា ចំពោះស្ថានីយ៍ ដែលលក់ប្រេងមិនគ្រប់លីត្រនេះខាងមន្ទីរទុកឪកាសលើទី១រយៈពេល មួយខែដើម្បីកែសម្រួលកុងទ័រប្រេងឡើងវិញ។ បើថ្ងៃក្រោយនៅតែមិនមានការកែប្រែ ក្រុមហ៊ុននឹងទទួលការផាកពិន័យទៅតាមផ្លូវ ច្បាប់។
ដោយឡែក លោក អ៊ុន កែវ ជាអ្នកគ្រប់គ្រងស្ថានីយ៍ប្រេងនៅទីតាំងខាងលើ បានអះអាងថា ចំពោះបញ្ហាចំនួនប្រេងខ្វះលីត្រនេះ លោកពុំបានដឹងនោះទេ លោកធ្វើអ្វីទៅ តាមក្រុមហ៊ុន កំណត់អោយតែប៉ុណ្ណោះ ព្រោះក្រុមហ៊ុន មានរង្វាស់រង្វាល់អោយលោកធ្វើការផ្ទៀងផ្ទាត់រាល់ថ្ងៃ លោក ពុំដឹងថា ចំនួនលីត្រខ្វះដូចនេះទេ។ ទាក់ទិនទៅនឹងប្រេង ខ្វះលីត្រនេះប្រជាពលរដ្ឋក្រុងព្រះសីហនុ បានដឹងរឿងរ៉ាវខ្លះៗ បាននិយាយតៗគ្នា ស្នើទៅដល់អ្នកគ្រប់គ្រងទូទៅក៏ដូចជាម្ចាស់ក្រុមហ៊ុនប្រេង LHR សូមមេត្តាជួយពិនិត្យទៅលើ អ្នកគ្រប់គ្រងស្ថានីយ៍ នីមួយៗផង បើគ្រប់ស្ថានីយ៏ធ្វើតែបែបនេះ ក្រុមហ៊ុន ពិតជាបាត់បង់កិត្តិយស និងអតិថិជនជាក់ជាពុំខាន៕
ប្រភពដោយ CEN 
No comments: