រថយន្តរបស់កងដឹកជញ្ជូន H.C ធ្វើបាក់បង្កាន់ដៃស្ពានអាកាសស្ទឹងមានជ័យ

ភ្នំពេញ៖នាព្រឹកព្រលឹមថ្ងៃទី២៦ ខែកុម្ភៈ ឆ្នាំ២០១៩ នេះ រថយន្តដ៏ធំនិងដ៏វែងមួយគ្រឿង បានធ្វើដំណើរយ៉ាងរលូនរហូតឆ្លងមកដល់ចំណុចលើស្ពានស្ទឹងមានជ័យ ។ រថយន្តនេះ គឺ ជារថយន្តកងដឹកជញ្ជូន ផ្លាកសញ្ញា H.C ពាក់ផ្លាកលេខភ្នំពេញ 3R-0247 បានចាកចេញផុតពីស្ពានស្ទឹងមានជ័យ ហើយ បន្ទាប់ពីធ្វើឱ្យបាក់បង្កាន់ដៃស្ពានរួច ។ ប៉ុន្តែក្រោយមក ត្រូវបានអាជ្ញាធរឃាត់បានវិញ បញ្ជូនទៅកាន់ការិយាល័យចរាចរណ៍ផ្លូវគោក រាជធានីភ្នំពេញ ដើម្បីបន្តនីតិវិធី ។

អ្វីជាការភ្ញាក់ផ្អើលនិងពលរដ្ឋរិះគន់យ៉ាងខ្លាំងក្លា នោះ គឺ រថយន្តដ៏វែងនិងដ៏ខ្ពស់នេះ បានប៉ះនឹងក្បាលស្ពានស្ទឹងមានជ័យ ធ្វើដំណើរលែងរួច ដែលកំពុងបង្កការកកស្ទះចរាចរណ៍យ៉ាងខ្លាំង ។

អ្នកតែងតែធ្វើដំណើរផ្លូវនេះ រិះគន់អាជ្ញាធរខណ្ឌមានជ័យ ថា បើខាងចាប់ម៉ូតូអត់មួក ភ្លេចបិទភ្លើងស៊ីញ៉ូ និង ជិះបញ្ច្រាសឆ្លងផ្លូវបន្តិចបន្តួច មិនដែលលើកលែងឡើយ ។ ប៉ុន្តែពេលរថយន្តដ៏ធំឆ្លងកាត់បែបនេះវិញ ភ្នែកស្រវាំងមើលលែងឃើញ ៕