ក្នុងឆ្នាំ២០១៩នេះ អាសកាសធាតុអាចនឹងឡើងកម្ដៅកម្រិត ៤០-៤២ អង្សាសេ

(ភ្នំពេញ)៖ ព្រះរាជាណាចក្រកម្ពុជា ក្នុងឆ្នាំ២០១៩នេះ នឹងមានស្ថានភាពក្រៅហួត ហែង ក្នុងរដូវប្រាំង ដែលមានសីតុណ្ហភាពអតិបរមា ឡើងដល់៤០-៤២ អង្សាសេ  ពិសេសនៅតាមតំបន់ទំនាបកណ្តាលភាគពាយ័ព្យ។

តាមលិខិតមួយច្បាប់មាន២ទំព័ររបស់រដ្ឋមន្រ្តីក្រសួងធនធានទឹក និងឧតុនិយម ឯកឧត្តម លឹម គានហោ គោរពជូនសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជា ណា ចក្រកម្ពុជា ចុះថ្ងៃទី១៤ ខែមករា ឆ្នាំ២០១៩ ដើម្បីពិនិត្យ និងសម្រេចលើបញ្ហាអាកាសធាតុឡើងក្រៅក្នុងរដូវប្រាំងឆ្នាំ២០១៩នេះ។

តាមរយៈលិខិតនេះ ឯកឧត្តម លឹម គានហោ រដ្ឋមន្រ្តីក្រសួងធនធានទឹក និងឧតុនិយម ក៏បានស្នើសុំសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ចេញនូវសារាចរណែនាំ ដល់គ្រប់ក្រសួងស្ថាប័ន និងអាជ្ញាធរពាក់ព័ន្ធ មានវិធានការជួយទប់ស្កាត់ និងរក្សាទឹកទុកប្រើប្រាស់តាមតំបន់ ក៏ដូចជាត្រៀមជួយសង្គ្រោះប្រជាពលរដ្ឋដែលនឹងខ្វះទឹកប្រើប្រាស់នាពេលខាងមុខនេះ៕