អភិបាលស្រុកអង្គរបូរីរងការចោទប្រកាន់ថាបានប្រើប្រាស់កម្លាំងជំរិតទារលុយពីអាជីវកម្មប្រជាពលរដ្ឋតិចតួចក្នុងមូលដ្ឋានធ្វើមានធ្វើបានតែឯង
ខេត្តតាកែវ ៖ ទាំងប្រជាពលរដ្ឋ និងមន្ត្រីរាជការរស់នៅស្រុកអង្គរបូរី ខេត្តតាកែវ បានសម្តែងការហួសចិត្តជាខ្លាំងរាល់ទង្វើអាត្មានិយមរបស់លោកអភិបាលស្រុកអង្គរបូរីដែលបានប្រើប្រាស់កម្លាំងគាប់កររាស្ត្រក្បត់រដ្ឋដើម្បីប្រមូលលុយចូលហោប៉ៅខ្លួនធ្វើមានធ្វើបានទាំងបំពានច្បាប់។
យោងតាមប្រភពច្បាស់ការពីប្រជាពលរដ្ឋក្នុងស្រុកអង្គរបូរីលើកឡើងថា រាល់អាជីវកម្មគ្រឿងចក្រដឹកដីឲ្យប្រជាពលរដ្ឋ ដូចជាដឹកដីចាក់ភូមិ ដឹកដីធ្វើផ្លូវ ជីកស្រះ ជាដើម ត្រូវបានលោក ឌឹម គឹមសាន អភិបាលស្រុកប្រើកម្លាំងដើរចាប់និងបង់លុយឲ្យខ្លួនចាប់ពី៥សែនរៀលដល់១លាន៥សែនរៀល។
ប្រភពដដែលបន្តថា សូម្បីការជានេសាទត្រីជាលក្ខណៈគ្រួសារ ទីតាំងលេងល្បែងស៊ីសង រថយន្តដឹកទា រថយន្តដឹកគោក៏ត្រូវលោកអភិបាលស្រុករូបនេះប្រើបា្រស់កម្លាំងទាហានស្រុកឲ្យដើរជំរិតទាលុយដែរ។ មិនត្រឹមតែប៉ុណ្ណោះ ដីរដ្ឋមួយកន្លែងស្ថិតក្នុងភូមិកំពង់លួង ឃុំអង្គរបូរី ស្រុកអង្គរបូរីក៏ត្រូវបានអភិបាលស្រុកលក់ទៅឲ្យឈ្មួញសាងសងតូបលក់ដូរដែលមានតម្លៃរាប់ពាន់រាប់ម៉ឺនដុល្លាផងដែរ។
ប្រភពដដែលបន្តទៀតថា លោក ឌឹម គឹមសាន ថែមទាំងបានអនុញ្ញាតិឲ្យជនជាតិវៀតណាមមកធ្វើស្រែប្រាំង នៅចំណុចឃុំគោគធ្លក ទាំងបំពានសេចក្តីណែនាំរបស់រាជរដ្ឋាភិបាលថែមទៀតផង។ ចំណែកប្រភពពីមន្ត្រីរាជការក្នុងស្រុកអង្គរបូរីវិញបានឲ្យដឹងដែរថា លោក ឌឹម គឹមសាន ត្រូវបានអង្គភាពប្រឆាំងអំពើពុករលួយបើកការស៊ើបអង្កេតនិងហៅទៅសួរនាំ២ដងរួចមកហើយចាប់តាំងពីលោកឡើងកាន់ដំណែងជាអភិបាលស្រុកដោយជាប់ពាក់ព័ន្ធនិងភាពមិនប្រក្រតីនៃទង្វើរបស់លោកក្នុងនាមជាអភិបាលស្រុក។ ពាក់ពន្ធ័ករណីនេះអ្នកយកព័ត៍មានយើងមិនអាចសុំការបំភ្លឺពីលោក ឌឹម គឹមសានអភិបាលស្រុកអង្គរបុរីបានទេ ដោយទូរសព្ទ័របស់លកជាប់រវល់។
ចំណែកលោក ផេង វុធ ប្រធានមន្ទីរ៉ែនិងថាមពលខេត្តតាកែវ បានអោយដឹងថាលោកមិនបានដឹងខាងស្រុកគេយកលុយតាមគ្រឿងចក្រដោយវិធីណានោះទេ។ លោកបានបញ្ជាក់ថាលោកសូមស្នើរអោយខាងម្ចាស់គ្រឿងចក្រទាំងអស់សុំមកធ្វើច្បាប់អាជីវកម្មអោយបានគ្រប់ៗគ្នា៕
ប្រភព៖ AnnHotNews
No comments: