បញ្ហាគ្រឿងញៀនវាជាបញ្ហាមួយ ធ្វើឲ្យស្មុគស្មាញ និងបានជិះឥទ្ធិពលមិនល្អដល់សង្គម ជាតិទាំងមូល

ថ្លែងក្នុងកិច្ចប្រជុំស្តីពីផែនការយុទ្ធសាស្រ្ត សម្រាប់ផ្សព្វផ្សាយអប់រំដើម្បីបង្កើនការយល់ដឹង នៃគ្រោះថ្នាក់គ្រឿងញៀននៅខេត្តតាកែវលើកទី០១ រយៈពេល០៦ខែ(០១.០១.២០១៧ / ០១.០៦.២០១៧ លោក អ៊ួច ភា អភិបាលរងខេត្តតាកែវ និងជាប្រធានអនុគណៈកម្មការអប់រំ និងផ្សព្វផ្សាយគ្រឿងខេត្ត បានជម្រុញដល់អ្នកពាក់ព័ន្ធទាំងអស់ ត្រូវមានវិធានការណ៍ អប់រំផ្សព្វផ្សាយពីផលប៉ះពាល់ ក៍ដូចជាគ្រោះថ្នាក់នៃការប្រើប្រាស់គ្រឿងញៀន ពិសេសគឺការទប់ស្កាត់ និងបង្រ្កាបកុំឲ្យមានការជួញដូរ និងចរាចរណ៍គ្រឿងញៀនខុសច្បាប់នៅក្នុងទូទាំងខេត្តតាកែវ ។

លោក អ៊ួច ភា អភិបាលរងខេត្ត បន្តថាបច្ចុប្បន្ននេះ បញ្ហាគ្រឿងញៀនវាជាបញ្ហាមួយធ្វើ ឲ្យស្មុគស្មាញ និងបានជិះឥទ្ធិពលមិនល្អដល់សង្គម តាមរយៈការចរាចណ៍គ្រឿនញៀនស្ទើរ តែគ្រប់ទីកន្លែង គ្រប់រូបភាពហើយមុខសញ្ញាប្រើប្រាស់គ្រឿងញៀននេះមាន យុវជន សិស្ស និស្សិតក្រៅសាលា ក្រុមកម្មករ ពលករមួយចំនួនដែលបញ្ចេញ កម្លាំងលី សែង អ្នកបម្រើការ នៅក្លឹបកម្សាន្ត ខារ៉ាអូខេ និងក្រុមនិយមទៅរកសេវា កម្សាន្តសប្បាយញឹកញាប់ ដែលយើងត្រូវ មានមានវិធានការណ៍អប់រំផ្សព្វផ្សាយ និងទប់ស្កាត់ឲ្យខានតែបាន កុំឲ្យបញ្ហាគ្រឿងញៀននេះ ចេះតែកើនឡើង ។

លោកអភិបាលរងខេត្ត អ៊ួច ភា បន្តទៀតថា រាជរដ្ឋាភិបាលកម្ពុជា បានដាក់ចេញនូវវិធានការណ៍ប្រយុទ្ធប្រឆាំង និងបោសសម្អាតគ្រឿងញៀនលើកទី១ នៅទូទាំង ប្រទេស ដោយបានកំពុងតែអនុវត្ត ដូច្នោះនៅខេត្តតាកែវយើងត្រូវតែបន្តអនុវត្តនិងទប់ ស្កាត់ឲ្យបានចំពោះ ករណីប្រើប្រាស់ ជួញដូរ និងចរាចរណ៍គ្រឿនញៀន ។

លោកអភិបាលរខេត្ត បន្ថែមទៀតថា ដើម្បីឲ្យការងារអប់រំ ផ្សព្វផ្សាយគ្រឿន ញៀននេះ បានយល់ជ្រួតជ្រាបទៅដល់មហាជន ពិសេសយុវជន យើងត្រូវតែផ្សព្វផ្សាយឲ្យបានទូលំទូលាយ តាមសាលារៀន ទីប្រជុំជន និងផ្សព្វផ្សាយតាមវិទ្យុ ទូរទស្សន៍ ហើយក្នុងនោះដែរ ក៍ត្រូវតែជាប់ជា ប្រចាំទៅតាមគោលដៅកំណត់ ដើម្បីឲ្យពួកគាត់មានយល់ដឹងកាន់តែច្បាស់ ពីផលប៉ះពាល់ និងគ្រោះថ្នាក់នៃការប្រើប្រាស់ គ្រឿងញៀន និងនាំគ្នាឈប់សេពឈប់ជួញដូរ និងឈប់ ចរាចរណ៍គ្រឿងញៀននេះ តទៅទៀត ៕

ប្រភពដោយ TVK