ស្នងការនគរបាលខេត្តតាកែវ បានចុះបង្រ្កាបបទល្មើសឆ្លងដែន និងនេសាទខុសច្បាប់នៅត្រង់ចំនុចខាងលិច ប៉ុស្តិ៍បន្ទាយស្លឹក

នៅព្រឹកថ្ងៃទី១៤ ខែកញ្ញា ឆ្នាំ២០១៦ ឯកឧត្តម ឧត្តមសេនីយ៍ទោ អ៊ុក សំណាង ស្នងការ នគរបាលខេត្តតាកែវ បានដឹកនាំកម្លាំងអន្តរាគមន៍.កម្លាំងជំនាញ ក្នុងស្នងការដ្ឋាន និងកម្លាំងអធិការដ្ឋាននគរបាលស្រុកបូរីជលសារ.កម្លាំងប៉ុស្តិ៍ការពារព្រំដែនបន្ទាយស្លឹក និងមានការសម្របសម្រួលពី លោក
ទិន សុចិត្រា ព្រះរាជអាជ្ញាររងអមសាលាដំបូង ខេត្តតាកែវ ។ បានចុះបង្រ្កាបបទល្មើសឆ្លងដែន និងនេសាទខុសច្បាប់នៅត្រង់ចំនុចខាងលិច ប៉ុស្តិ៍បន្ទាយស្លឹក ចំងាយប្រមាណ១៦០០ ម៉ែត្រ ស្ថិតនៅភូមិក្អែកយំ ឃុំបូរីជលសារ ស្រុកបូរីជលសារ ខេត្តតាកែវ ។ ក្នុងកិច្ចប្រតិបត្តិការនេះ ឃាត់ខ្លួនជនសង្ស័យជាជនជាតិវៀតណាមដែលចូលមកក្នុងទឺកដីកម្ពុជាដេីម្បីលបលួចនេសាទនិងឆ្លងដែនដោយខុសច្បាប់ បានចំនួន ០៣នាក់ ដែលមាន៖
១.ឈ្មោះ វៀង យ៉ាំងដាម​ ភេទប្រុស អាយុ ៤៥ឆ្នាំ
២.ឈ្មោះ វៀង យ៉ាំងហីវ ភេទប្រុស អាយុ ១៩ឆ្នាំ
៣.ឈ្មោះ វៀង យ៉ាំងជី ភេទប្រុស អាយុ ២៣ឆ្នាំ។
អ្នកទាំងបី រស់នៅភូមិភូងា ឃុំភូហូយ ស្រុក​អានភូ ខេត្តអានយ៉ាង និងដកហូតវត្ថុ តាងរួមមានៈ តាក់រាងជ័រ​០១ ប្រវែង៩.២ម៉ែត្រ, ម៉ាស៊ីនសាំង ០១គ្រឿងម៉ាកហ៊ីណូត១៨សេ​ស ពណ៏ទឹកក្រូច ចំណែកស្បៃមុងយើងបានដុត បំផ្លាញចោល​មានប្រវែង ៦៧០ម៉ែត្រ និងកន្ទុយសីយើនចំនួន ០៨។
ក្រោយពេល ឃាត់ខ្លួនកម្លាំងជំនាញ បានសាកសួរនិងកសាងសំណំុរឿងដេីម្បីបញ្ជូនទៅសាលា ដំបូងខេត្តចាត់ការបន្ត។