ប្រជុំផ្សព្វផ្សាយច្បាប់ស្តីពីការគ្រប់គ្រងគ្រោះមហន្តរាយ និងបូកសរុបការងារប្រចាំឆមាសទី១ ឆ្នាំ២០១៦

        រសៀលថ្ងៃទី២៥ ខែកក្កដា ឆ្នាំ២០១៦ នៅសាលប្រជុំទីចាត់ការផែនការ និងវិនិយោគខេត្តតាកែវបានរៀបចំកិច្ច ប្រជុំផ្សព្វផ្សាយច្បាប់ ស្តីពីការគ្រប់គ្រងគ្រោះមហន្តរាយ និងបូកសរុបការងារប្រចាំឆមាសទី១ ឆ្នាំ២០១៦ ក្រោមអធិប តីភាព ឯកឧត្តម ញឺម វណ្ណដា ទេសរដ្ឋមន្ត្រីទទួលបន្ទុកអនុប្រធានប្រចាំការ និងជាប្រធានគណៈកម្មាធិការប្រតិបត្តិ នៃគណៈកម្មាធិការជាតិ គ្រប់គ្រងគ្រោះមហន្តរាយ និងមានការចូលរួមពីអាជ្ញាធរពាក់ព័ន្ធនានាដូចជាកងកម្លាំងទាំង៣ ប្រភេទ អាជ្ញាធរឃុំ ស្រុក។
       ច្បាប់ស្តីពីការគ្រប់គ្រងគ្រោះមហន្តរាយនេះ   មានគោលបំណងគ្រប់គ្រងគ្រោះមហន្តរាយនៅក្នុងព្រះរាជាណា ចក្រកម្ពុជា និងមានគោលដៅដូចតទៅ៖
-ត្រៀមបង្ការ បន្ស៊ាំ កាត់បន្ថយគ្រោះថ្នាក់មុនពេលមានគ្រោះមហន្តរាយដែលបង្កឡើងដោយធម្មជាតិ ឬមនុស្ស
-ឆ្លើយតប សង្គ្រោះបន្ទាន់ក្នុងពេលមានគ្រោះមហន្តរាយ
-ស្តារឡើងវិញក្រោយពេលមានគ្រោះមហន្តរាយ។