រដ្ឋមន្រ្តីអភិវឌ្ឍន៏ជនបទលើកទឹកចឹត្តអោយបង្កើតមជ្ឈមណ្ឌលបណ្ដុះបណ្ដាលនៅទីជនបទ

នៅក្នុងឱកាសអញ្ចើញចុះជួបសំណេះសំណាលជាមួយមន្រ្តីមន្ទីរអភិវឌ្ឍន៏ជនបទខេត្តតាកែវនៅរសៀលថ្ងៃ សុក្រ ទី ៣ ខែ មិថុនា ឆ្នាំ ២០១៦ នេះ ឯកឧត្តម អ៊ុក រ៉ាប៊ុន រដ្ឋមន្រ្តីក្រសួអអភិវឌ្ឍន៏ជនបទ បានចាត់ទុកការបង្កើតមជ្ឈមណ្ឌលបណ្ដុះបណ្ដាលដែលស្ថិតនៅក្រោមការទទួលខុសត្រូវរបស់ក្រសួងអភិវឌ្ឍន៏ជនបទគួតែបង្កើតនៅជាប់និងបងប្អូនប្រជាពលរដ្ឋដែលស្ថិតនៅតំបន់ជនបទ។

ឯកឧត្តម អ៊ុក រ៉ាប៊ុន បានមានប្រសាសន៏បន្តថា បច្ចុប្បន្នមានក្រសួងមួយចំនួនបានបង្កើតមជ្ឈមណ្ឌលបណ្ដុះបណ្ដាលវិជ្ជាជីវៈនៅតែក្នុងទីរួមខេត្តពោលមជ្ឈមណ្ឌលនេះមិនបានរីករាលដាលដល់ទីជនបទនោះទេ ដូច្នោះបើក្រសួងអភិវឌ្ឍន៏ជនបទបង្កើតមជ្ឈមណ្ឌលបណ្ដុះបណ្ដាល យើងនិងបង្កើតនៅតាមទីជនបទនៅព្រោះវានិងជួយបណ្ដុះបណ្ដាលបងប្អូនប្រជាពលរដ្ឋដែលក្រីក្រនៅតាមទីជនបទអោយមានជំនាញមួយច្បាស់លាស់និងជួយកាត់បន្ថយភាពក្រីក្ររបស់បងប្អូននៅតំបន់ជនបទបានមួយកម្រឹតធំ។

នៅក្នុងឱកាស់នោះផងដែរ ឯកឧត្តមរដ្ឋមន្រ្តីក្រសួងអភិវឌ្ឍន៏ជនបទក៏បានធ្វើការជម្រុញអោយមន្រ្តីមន្ទីរអភិវឌ្ឍន៏បទខេត្តតាកែវ ត្រូវតែពិនិត្យមើលអោយបានជាប់ជាប្រចាំហើយរាល់ការធ្វើផ្លូវនៅទីជនបទត្រូវតែធ្វើផ្លូវអោយបានល្អមានគុណភាព ជៀសវាងការរិះគន់ពីប្រជាពលរដ្ឋថាធ្វើផ្លូវអោយតែល្អមើល មិនបានប៉ុន្មានក៏ខូចទៅវិញខ្ទេចខ្ទី។៕