ដើម្បីពង្រឹងសមត្ថភាពទាក់ និតីវិធីការធ្វើអត្តសញ្ញាណកម្មគ្រួសារក្រីក្រ

          ដើម្បីពង្រឹងសមត្ថភាពទាក់ និតីវិធីការធ្វើអត្តសញ្ញាណកម្មគ្រួសារក្រីក្រ និងការងារតាមដានត្រួត ពិនិត្យនោះ លោក មឿង រ៉ាដូ ប្រធានមន្ទីរផែនការខេត្ត បានរៀបចំសិក្ខាមួយដែលមានរយះពេល ៣ថ្ងៃ ចាប់ពីថ្ងៃទី ១៤ ដល់លោក លោកស្រី អ្នកសំរបសំរួលនៅស្រុកក្រុងទាំង១០ទូទាំងខេត្ត នាព្រឹកថ្ងៃទី១៦ ខែមិថុនា ឆ្នាំ២០១៦ នៅសាលប្រជុំមន្ទីរព័ត៌មានខេត្ត ។

​            លោក មឿង រ៉ាដូ ប្រធានមន្ទីរផែនការខេត្តតាកែវ បានមានប្រសាសន៍ថា គោល​ដៅចម្បង នៃការ​កំណត់អត្តសញ្ញាណកម្មគ្រួសារក្រីក្រ មាន​៣សំខាន់ៗគឺ ទី១ការផ្តល់ ទិន្នន័យគ្រួសារក្រីក្រតាមភូមិ នីមួយដល់​ក្រសួងស្ថាប័ន រាជរដ្ឋាភិបាល និងអង្គការជាតិ អន្តរជាតិ ជាពិសេស អាជ្ញាធរ ថ្នាក់ក្រោមជាតិ សម្រាប់ជាមូល ដ្ឋានក្នុង​ការ​ផ្តល់សេវា និងជំនួយផ្សេងៗ ដល់គ្រួសារពិតប្រាកដ និងចំគោលដៅទី២ ការកំណត់តំបន់ អាទិភាពក្នងកាអភិវឌ្ឃន៍ និងទី៣ ការផ្តល់ទិន្នន័យ ពីអត្រាគ្រួសារក្រីក្រតាមភូមិ ឃុំ-សង្កាត់  ក្រុង-ស្រុក និងខេត្ត ដើម្បីត្រួត ពិនិត្យមើលពី​និន្នាការ នៃភាពក្រីក្រ​​។

លោក ប្រធានមន្ទីរផែនការខេត្តបានមានប្រសាសន៍ថា នៅក្នុងខេត្ត និងផ្នែកពាក់ពន្ធផ្សេងៗទៀត ដែលជាប្រតិបត្តិការ​ផ្តល់សេវា ឬជំនួយដល់គ្រួសារ ក្រីក្រ​ផ្ទាល់ ដែលអនុវត្តនៅ តំបន់គ្របដណ្តប់រាប់ធ្វើ ដោយ​កម្មវិធី​អត្តសញ្ញាណកម្មគ្រួសារក្រីក្រ សូមប្រើប្រាស់ទិន្នន័យ​គ្រួ​សារ​ក្រីក្របញ្ជីគ្រួសារ ក្រីក្រចុង ក្រោយ​សម្រាប់ធ្វើជាមូលដ្ឋាន ក្នុងការជ្រើសរើសតំបន់ និងគ្រួសារគោលដៅ ដើម្បី​ផ្តល់សេវាឬជំនួយនោះ ។

          លោក មឿង រ៉ាដូ ប្រធាមន្ទីរផែនការខេត្តតាកែវ បាន​មាន​ប្រសាសន៍សង្កត់ធ្ងន់​ថា សិក្ខាសាលា នាពេលនេះ ពិតជាមានសារៈសំខាន់ណាស់ ដើម្បីធ្វើការផ្សព្វ​ផ្សាយ​អំពីស្ថិតិ និងទិន្នន័យ គ្រួសារក្រី​ក្រ​ក្នុង គោលបំណង ផ្តល់ឱកាសឱ្យអង្គការ និងស្ថាប័ន អ្នកផ្តល់​សេវា​នានា និងអ្នកពាក់ពន្ធ័ទាំងអស់ទទួល បានព័ត៍​មាន ស្តីពីប្រភពទិន្នន័យ និងការចែកចាយទិន្នន័យក្រីក្រ ព្រមទាំងអត្រាក្រីក្រនៅតាមតំបន់ ដើម្បីឈានទៅរក ការកាត់ បន្ថយភាពក្រីក្ររបស់ប្រជាពលរដ្ឋ​ក្នុងខេត្ត ៕