WP 7 ​ប្រើ​ Dual-Core U8500 ទំហំ​ 1.2GHz

នាយក ​ប្រតិបត្តិ​ក្រុមហ៊ុន​​ក្រុមហ៊ុន​ ST-Ericsson​ បាន​ផ្សាយ​នៅ​​លើ​ទំព័រ​ទស្សនាវដ្ដី​ Forbes ថា​ WP 7 ​នឹង​ដំណើរការ​ព្រម​គ្នា​​ជា​មួយ​ Dual-Core U8500 ហើយ WP8 ​នឹង​បន្ត​តំណែង​ពី​ WP7។

រហូត​មក​ដល់​ពេល​នេះ​ WP7 កំពុង​ត្រូវ​បាន​បំពាក់​ផ្ដាច់​មុខ​ដោយ​ Qualcomm Chipset តែ​​នាយក​ប្រតិបត្តិ ST-Ericsson អះអាង​ថា​ នឹង​មាន​ក្រុមហ៊ុន​ផ្គត់​ផ្គង់​ Chipset មួយ​​ផ្សេង​ទៀត​ សម្រាប់​បំពាក់​ឲ្យ Nokia Windows Phone 7 ប៉ុន្តែ​មិន​ទាន់​ប្រាកដ​ថា​ក្រុមហ៊ុន​ណា​នោះ​ទេ​។

Nokia WP នឹង​បំពាក់​ដោយ​ Dual-Core U8500 Chipset ដែល​មាន​ទំហំ​ប្រហែល​ 1.2GHz។ ទំហំ​នេះ​អាច​នឹង​ប្រែ​ប្រួល​​ ក៏​ប៉ុន្តែ​ប្រហែល​ជា​​​ Dual-Core​នេះ​​ក្លាយ​ជា​​ Processor ដំបូង​បំផុត​របស់​ Nokia WP។

នៅ​ឆ្នាំ​២០១២​ខាង​មុខ​ ក្រុមហ៊ុន​ Nokia នឹង​បញ្ចេញ​១២​ម៉ូដែល​ដំណើរការ​ដោយ​ Windows Phone 7 ហើយ​​ U8500 ​នឹងត្រូវ​បាន​​ដាក់​ឲ្យ​​ដំណើរ​ការ​លើ​ម៉ូដែល​ទាំង​១២​នេះ។ ​នេះ​ជា​ការ​អះអាង​បន្ថែម​ដោយ​នាយក​ប្រតិបត្តិ​រូប​នេះ។

ជា​មួយ​គ្នា​នេះ​ដែរ ​លោក​​មាន​ជំនឿ​យ៉ាង​មុត​មាំ​ថា​ ក្រុមហ៊ុន​របស់​លោក​ នឹង​ក្លាយ​ជា​អ្នក​ផ្គត់​ផ្គង់​​ដ៏​សំខាន់​មួយ​របស់​ក្រុមហ៊ុន​ Nokia។

សូម​បញ្ជាក់​ថា​ U8500 បំពាក់​ភ្ជាប់​មក​ជា​មួយ​ Mali-400 GPU ​​មាន​សមត្ថភាព​ខ្ពស់ ដែល​កំពុង​ត្រូវ​បាន​គេ​ដាក់​បំពាក់​ជា​មួយ​ Samsung Galaxy S II៕
ដកស្រងចេញពី www.kqube.com.kh